Labaatan booliis ah ayaa loo malaynayaa in ay ku dhinteen dalka Kenya kaddib markii kolanyadii ay saarnaayeen ay weerartay koox looga shakisanyahay Al-shabab.

Weerarku waxa uu ka dhacay gobolka Waqooyi bari ee Kenya gaar ahaan deegaanka Yuunbis oo xadka Soomaaliya u dhaw ka tirsan Gaarisa.

Waa weerarkii saddexaad ee todobaad gudihii ka dhacay gobolka.

Al-shabaab ayaa weeraro ka gaysta gobolka, waxaana ka mid ahaa weerarkii bishii hore lagu xasuuqay 148 qof oo u badnaa arday jaamacad ka dhiganaysay Gaarisa.

Waxaa jira walaac laga qabo dawladda oo ka gaabisay jawaabtii looga baahnaa in ay ka bixiso weerarada al-shabaab.

xigasho bbc.